Kashkol-e-Majzob - Har Chez Main Aks-e-Rukhe Zeba Nazar Aaya

 

ہر چیز میں عکسِ رخّ زیبا نظر آیا

عالم مجھے سب جلوہ ہی جلوہ نظر آیا

 

تو کب کسی طالب کو سراپا نظر آیا

دیکھا تجھے اتنا جسے جتنا نظر آیا

 

عاشق کو تو ہر سُو تیرا جلوہ نظر آیا

مسجد نظر آئی نہ کلیسا نظر آیا

 

کیں بند جو آنکھیں تو مری کھل گئی آنکھیں

کیا تُم سے کہوں پھر مجھے کیا کیا نظر آیا

 

جب مہر نمایاں ہوا سب چھپ گئے تارے

تو مجھ کو بھری بزم میں تنہا نظر آیا

 

گردوں کو بھی اب دیکھ کے ہوتی ہے تسلّی

غُربت میں یہی ایک شناسا نظر آیا

 

سب دولتِ کونین جو دی عشق کے بدلے

اِس بھاؤ یہ سودا مجھے سستا نظر آیا

 

ناکام ہی تا عُمر رہا طالبِ دیدار

ہر جلوہ تِرا بعد کو پردہ نظر آیا

 

کرتی ہے چکا چوند نئی روشنی سب کو

اِس روشنی میں مجھ کو اندھیرا نظر آیا

 

ڈوبے تو کُھلی بحرِ محبت کی حقیقت

ہر قطرہ میں اک آگ کا دریا نظر آیا

 

حسرت سے اِدھر دیکھ کے آنسو نکل آئے

دُنیا میں مُجھے جب کوئی ہنستا نظر آیا

 

صد شکر کہ آ پہنچا لبِ گور جنازہ

لو بحرِ محبّت کا کنارا نظر آیا

 

سب تشنہ ہیں معلوم ہوا بحرِ محبّت

صحرا تھا مگر دور سے دریا نظر آیا

 

جو دُور نگاہوں سے سرِ عرش بریں ہے

وہ نُور ِ گنبدِ حضرا نظر آیا

 

مجذوب کبھی سوز کبھی ساز ہے تجھ میں

تو میر کبھی اور کبھی سودا نظر آیا

 

 

مجذوب کے جذبے کی جو سمجھے نہ حقیقت

ان عقل کے اندھوں کو یہ سودا نظر آیا

 

خواجہ عزیز الحسن مجذوب

Read more of Khwaaja Aziz Ul Hassan Majzob's Poetry by clicking here